ئەھمەد داۋۇد ئوغلۇدىن ئۇيغۇرلارغا ئالاقىدار خىتايغا جاۋاب

  

   

 

ئۇيغۇرلارنى تېررورچى دېيىش ئەقىلدىنمۇ ئۆتمەيدۇ 

تۈركىيە دىپلوماتىيە مەنبەلىرى، تاشقى ئىشلار مىنىستىرى ئەخمەت داۋۇت ئوغلىنىڭ ئۇيغۇرلارنى تېررورچى دەپ ئىپادىلىگەنلىكىنى رەت قىلدى. 

تاشقى ئىشلار مىنىستىرى ئەخمەت داۋۇتئوغلى خىتاي تاشقى ئىشلار مىنىستىرى ۋاڭ يى بىلەن ئۇچراشقانلىقى توغرىسىدا خىتاي ئاخباراتلىرىدا ئېلان قىلىنغان، ئەخمەت داۋۇت ئوغلىنىڭ ئۇيغۇرلارنى تېررورچى دەپ ئىپادىلىگەنلىكى توغرىسىدا ئۇچۇر تارقاتقاندىن كېيىن، تۈركىيە دىپلوماتىيە مەنبەلىرى بايانات بەردى ۋە ئەخمەت داۋوتئوغلىنىڭ شەرقىي تۈركىستاندىكى ئۇيغۇرلارنى تېررورچى دەپ ئىپادىلىمىگەنلىكىنى، بۇ خىل ئىپادىلەش ئەقىلدىنمۇ ئۆتمەيدىغانلىقىنى بىلدۈردى. 

تاشقى ئىشلار مىنىستىرلىقىنىڭ مۇناسىۋەتلىك ئەمەلدارلىرى، ئەخمەت داۋۇتئوغلىنىڭ خىتاي تاشقى ئىشلار مىنىستىرى بىلەن ئۇچراشقاندا، ئۇيغۇر رايونىنى ئىككى دۆلەت ئوتتۇرىسىدا بىر مەدەنىيەت كۆۋروكى دەپ ئاتىغانلىقىنى ئىلگىرى سۈردى. 

ئۇيغۇر خەلقىنىڭ ھۇزۇر، پاراۋان ۋە تىنچلىق ئىچىدە ياشىشىنىڭ تۈركىيىگە نىسبەتەن ئالاھىدە ئەھمىيىتى بارلىقىنى تىلغا ئالغان تاشقى ئىشلار مىنىستىرلىقىنىڭ مەسئۇللىرى بۇ جەھەتتە خىتاي بىلەن ئىقتىسادى، مەدەنىيەت ۋە سىياسىي ساھەلەردە ھەمكارلىشىشقا تەييار ئىكەنلىكىنى بىلدۈردى. 

مىللەتچى ھەرىكەت پارتىيىسىنىڭ باش كاتىپى ئىسمەت بۈيۈك ئاتامان، خىتاي ئاخباراتلىرىدا ئېلان قىلىنغان، ئەخمەت داۋوتئوغلىنىڭ ئۇيغۇرلارنى تىررورچى دەپ ئىپادىلىگەنلىكى توغرىسىدىكى خەۋەرگە رەددىيە بېرىپ بايانات ئېلان قىلغان ئىدى. باياناتتا، ئەخمەت داۋۇتئوغلىنى، خىتاي تاشقى ئىشلار مىنىستىرى بىلەن ئۇچراشقاندا، مۇسۇلمان ئۇيغۇر تۈركلەرگە قىلىنىۋاتقان زۇلۇم ۋە قەتلىئاملارغا كۆز يۇمغانلىق بىلەن ئەيىبلىگەن ئىدى. تۈركىيە تاشقى ئىشلار مىنىستىرلىقى ئېلان قىلغان باياناتىدا ئەخمەت داۋۇتئوغلىنىڭ خىتاي ئاخباراتلىرىدا ئېلان قىلىنغان ئۇيغۇرلارنى تىررورچى دەپ ئىپادىلىگەنلىكىنى رەت قىلدى ۋە بۇ خىل ئىپادىلەش ئويلاپ خىيالغىمۇ كەلمەيدىغانلىقىنى بىلدۈردى. 

About admin

Leave a Reply