خەۋەرلەر

دىنىي مەھبۇس يارمەمەت تۇداخۇننىڭ ئەھۋالىدىن ئائىلىسى 2 يىل خەۋەرسىز قالغان

غۇلجىنىڭ توغراق يولىدىكى ئاچال يېزىسىدا ئولتۇرۇشلۇق دىنىي مەھبۇس يارمەمەت تۇداخۇننىڭ تۈرمىدىكى ئەھۋالىدىن ئائىلىسى ئىككى يىلدىن بۇيان خەۋەرسىز قالغان.

ئەركىن ئاسىيا رادىئوسىنىڭ خەۋەر قىىلىشىچە، شىخۇدىكى بىر تۈرمىدە قاماقلىق يارمەمەت تۇداخۇن بۇنىڭدىن 5 يىل ئاۋۋال ئاتالمىش«قانۇنسىز دىنىي كۈچلەرگە ئىقتىسادىي ياردەم قىلغان» دېگەن ئەيىبلەش بىلەن قولغا ئېلىنىپ قاماق جازاسىغا ھۆكۈم قىلىنغان.

يارمەمەتنىڭ قاماق جازاسى بۇ يىل 9-ئايدا توشىدۇ. بىراق ئۇنىڭ ئائىلىسى 2 يىل ئاۋۋال تۈرمىگە بېرىپ يوقلاپ كەلگەندىن بۇيان، ئۇنىڭدىن ھېچقانداق خەۋەر ئالالمىغان. يارمەمەتنىڭ ئايالىنىڭ ئېيتىپ بېرىشىچە، ئۇ ئېرى قولغا ئېلىنغاندىن كېيىن 3 پەرزەنتى بىلەن يۆلەنچۈكسىز قېلىپ، خەقلەرنىڭ كىر-قېتىنى يۇيۇش، نېنىنى يېقىش قاتارلىق ئىشلار بىلەن تىرىكچىلىك قىلىپ كەلگەن. ئۇ، ئېرىنىڭ بۇرۇن ئۆپكە ياللۇغى بارلىقىنى، 2 يىل ئاۋۋال ئۇنى يوقلاپ بارغاندا ئۇنىڭ ئورۇقلاپ بىر تىرە، بىر ئۇستىخان بولۇپ قالغانلىقى، شۇڭا ئېرىنىڭ ساق-سالامەت چىقىشىنى ئەندىشە ئىلىكىدە كۈتۈۋاتقانلىقىنى بىلدۈردى.

خىتاي دائىرىلىرى« 11‏-سېنتەبىر ۋەقەسى» دىن كېيىن، ئۇيغۇر ئېلىدە سىياسىي ئۆكتىچىلەر، مۇستەقىللىق پىكرىدىكى ئۇيغۇرلارنى، دىنىي زاتلار ۋە دىنىي پائالىيەتلەرنى قاتتىق باستۇرۇشقا باشلىغان. غۇلجىدا ساقال قويغان ئۇيغۇرلارنى «يوشۇرۇن تەھدىت» دەپ قاراپ باستۇرغان ئىدى.

يارمەمەت تۇداخۇن 2007‏-يىلى بىر روپاش ئايالغا پۇل ياردەم قىلغانلىقى ئۈچۈن قولغا ئېلىنىپ، ئاتالمىش «قانۇنسىز دىنىي كۈچلەرگە ياردەم قىلغان» دېگەن ئەيىبلەش بىلەن قاماققا ھۆكۈم قىلىنغان.

ئىسلام دىنىنى كوممۇنىست پارتىيىسى ئۈچۈن تەھدىت دەپ بىكىتكەن ئىشغالچى خىتاي  كوممۇنىست ھاكىمىيىىتى شەرقىي تۈركىستاندىكى دىنى ئالىملارنى ناھەق تۈرمىگە قاماپ، ئۇيغۇر مۇسۇلمانلارنىڭ ئەركىن دىنى پائالىيەت قىلىشىغا چەكلىمە قويماقتا. شەرقىي تۈركىستاندا يارمەمەت توداخۇنغا ئوخشاش نەچچە مىڭلىغان ئاقكۆڭۈل، دىندار ئۇيغۇرلار خىتاينىڭ قاراڭغۇ زىندانلىرىدا ئىڭرىماقتا. خىتاينىڭ ئۇيغۇرلار ئۈستىدىن قىلىۋاتقان بېسىم ۋە ھەقسىزلىقلىرى بارغانسىرى چېكىدىن ئېشىۋاتىدۇ، خەلقنىڭ ئىشغالچى خىتايغا بولغان غەزەپ – نەپرىتى ئاشماقتا. زۇلۇم ئەبەدى داۋام قىلمايدۇ، ھامان بىر كۈنى خىتاي گۇمران بولىدۇ. شەرقىي تۈركىستان ئازاد بولىدۇ. ئەمما شەرقىي تۈركىستان خەلقى چوقۇم بۇنىڭغا بىر نىيەت بىر مەقسەتتە زۇلۇمغا قارشى ئورتاق بىرلىشىشى، ھەمكارلىشىشى، ئىتتىپاقلىشى شەرت. 

 

 

تېخىمۇ كۆپ كۆرسىتىش

مۇناسىۋەتلىك تېمىلار

Back to top button
Close
Close